السلام عليكم ورحمة الله وبركاته
وووووو
يَاسَلَام يَاسَلام الله يَاحَمَام جرَ الاْلحَانِ
صَابنِي مِنْ بد خَلقَ الله صَابنِي غير الله انْجَاني
مِن يعِين مِن يَخَاف الله صَابنِي سَحّاب الاْردَانِي
قلت لَه تَرى السَلام لله مَاهو حَق ٍ منك هجْراني
صَابنِي مِنْ بد خَلقَ الله صَابنِي غير الله انْجَاني
مِن يعِين مِن يَخَاف الله صَابنِي سَحّاب الاْردَانِي
قلت لَه تَرى السَلام لله مَاهو حَق ٍ منك هجْراني
الحمامة اللي في الصورة
مايخصها في موضوعنا >> عيل ليش حاطتنها؟؟
مايخصها في موضوعنا >> عيل ليش حاطتنها؟؟
عسب يمشي الموضوع مع بيت القصيد هع
XD
بس موضوعي يقربله
بس موضوعي يقربله
ألا وهو أني اريد أعرفكم على ضيف يديد نور بيتنا البارحة..
واتمنى له اقامة سعيدة وهنيئة :)
>> ما اظن مع المطفش اللي عندنا <_<
بدون اسم حاليــاً
بخبركم عن عزيزنا وسالفته
>> اكتشفت ان كل سكان بيتنا لهم خواطر فتااكة هع.. ماشاءالله علينا
اول ماوعينا البارحة الصبح توجهنا لنقطة التمركز (الصالة)
فتبادلنا الحديث والامنيات مع وزارة العدل (الوالد)
وافصحنا عن رغبتنا بامتلاك بغبغاء في البيت
ابوي الله يطول عمره ايد الموضوع وقال بستفسر وين نقدر نشتريها
وهلت الابتسامات والفرحة على جميع المتواجدين
لكـــن
دخل المفتش العام (الوالدة) ربي يخليها
ورفضت رفضا قااااطعا واعطت اسبابها
وللاسف حسينا الكلام منطقي.. فانطمينا
ولكــن >> للمرة الثانيه هع
العصر اتاني اتصال من وزارة العدل
وقال:
صديقي سمع اني ابا اشتري بغباء ولان صديق ابوي هوايته تربية الحيوانات
قرر انه يهدي الوالد بغبغاء من مجموعته
والبغباء في الدرب
ولكــن >> الثالثة هع
شو نسوي.. الجميع خائف من المفتش العام
بالرغم من ذلك .. هل البغباء ترقد في الشارع مثلاً
الحل؟
دارت المشاورات والاتصالات العاجله
شاورنا احد الاخوة الأعزاء
قال بقلب بارد:
عطوني اياه بروح ابيعه وبحللكم المشكله
>> بيتصفع هذا هع
الحل الوحيد
نحط امي العزيزة تحت الامر الواااقع>> خطوة شجاعه هع
وشرررررف عزيزنا
شوفوا البراءة والادب..
لذلك رق قلب امي عليه
واعتبر فردا من افراد المنزل :).. بطريقة رسمية وبدون تهريب
وهذي صورة الاخ ياكل بعد ما ارتااح واطمن
والحيييين
شو تقترحون اسم..
نحن ماعرفنا هو ذكر ولا انثى
فاقترحوا اسم مكس ينفع للاثنين>> حلفي انتي بس هع
وسمحولنا ع الاطاله
بس حبيت اشارك معاكم يوم مهم :)
في أمان الله
8 comments:
ياحلييلها/حلييله
الله يخليلكم اياها وتتربى في عزكم إن شاء الله هع
هلا والله ريحااانه ..
الله يسمع منج ويعيش معانا في سعادة وهناء
انزين ماقلتي شو تقترحين من الاسامي؟
كتبت كلاااااك شكثره ..
وآخر شي قالي في خطأ فالصفحه
!!!!!!!!!!
بالاختصار المفيد
بتعرفين انثى ولا ذكر من الحلقه اللي في ريله .. وحتى عيد ميلاده
وينعلم الاصوات اسرع من الكلمات
ولا تهملونه سولفو وياه عشان ما اتيه حاله نفسيه
ويتم ينتف ريشه
الحين الكاسكو مالنا متعلم يقوول ميااااو
ما الومه ... البيت ملتي كلجر قطوة وببغاء !!
هيه .. عشان الاسامي طالعي نيكولوديان خخخخخ
ويتربى في عزكم :)
مبرووووك
هلا والله
Vitamin
ماكنت اعرف انج كاتبة كومنت هنيه
انهليت عليج اسئلة بالمسجااات لووول
>>سموحة يداد ع عالم البغبغاوات هع
ان شاء الله اليوم بنطلعه لاول مره
ومرة وحدة عشان نسبحه بعد
بس اخر سؤالل >> ما اظن هع
هو يطير.. اخافه يطير عنا
وبالنسبة للاسم هع
امي مصرة تسميه "النشمي"
بس نحن معترضين لان الاسم مايركب عليه صراحة هو سوداني
يوم يبا ياكل ينزل بريل وحدة ع الخشبة اللي تحت وريله الثانيه مخلنها ع اللي فوق.. عسب يرجع للي فوق اسرع ههههه >> معلوم دامه من افريقيا هع
ومشكووورة جدا جدا ع المعلومات
افدتينا وااايد
:)
والله يبارك في حياتج يااارب
ههههههه النشمي
حسيت انه شهاب مب بغبغاء!!
ههههههه.. اللي اعرف هالفصيله من جنوب افريقيا عااد مادري اذا هوه من السودان
لا مايطير .. بس ساعات يحب يسوي عمره يطير
يرفرف
هههههههههههه خلاص النشمي النشمي ماشي مجال لصق الاسم هع
اخر تطوراته
يوم نفج باب القفص يطلع ويتم شابص فوق
لا يطيع ينزل ولا يخلينا نشله بعد
بس احين احسن بوايد عن قبل
هيه يسويها هالحركة عاد وكأن بيطير وهو مناك ولاشي هع
تسلمين ع متابعة نشمينا>> هع
مبرووووووك اول شي عالبلوق وايد استانست عليه شكله بيطلع حبتين ^^
..
اتمنى حياه مديده للبغبغاء << عقب الي اشوفه في بيتنا
اتوقع له مستقبل زاهر وبينطق ان شاء الله بس خلوه قريب منكم
ويتربى فعزكم xD
@sweet like Chocolate
الله يبارك في حياتج
ههههههههه اتمنى يطلع حبتين
:)
ههههههههه لاا ان شاء الله ما يلحق مصير اللي عندكم هع
هو مركزة في الصالة يعني سوالف البيت عنده هع
شكرا ع المرر الطيب
:)
Post a Comment